鐵道車站係近年文青們最愛嘅打卡景點之一，而其中位於北海道帶廣嘅「幸福車站」更吸引咗唔少戀人及旅客專程前往與摰愛祈願。今個新春，沙田新城市廣場由即日至2月24日期間呈獻充滿春日氣息嘅【新春の幸福駅】大型賀年主題佈置，其創作靈感來自「幸福車站」，於櫻花樹下融入五大日系賀年裝飾，包括：「幸福櫻の號列車」、「甜蜜幸福の鳥居」、「戀戀幸福の鐘駅」、「櫻の戀愛駅」及「長久の幸福駅」，誠邀大家喺農曆新年由愛的國度出發，與摯愛攜手啟程，邁向幸福美滿新一年。

新城市廣場誠邀有緣人攜手漫遊幸福車站五大日系浪漫秘景，喺终着駅一起開啟幸福之門。大家可先登上櫻花樹下嘅「幸福櫻の號列車」展開幸福之旅，與摯愛喺甜蜜包廂內感受被嫩紅玫瑰及櫻花花海環抱嘅浪漫一刻，感受瀰漫喺車廂內嘅幸福氣息。

下車踱步抵達宏偉橘子紅嘅「甜蜜幸福の鳥居」，穿過櫻花鳥居參拜步道，喺「長久の幸福駅」嘅幸福售票機選擇你想要到嘅「暖男呵護駅」、「食極唔肥駅」或者係「唔愁無錢駅」，取下「長期幸福車票」，並順道預測來年嘅健康、戀愛或財運。

拎過幸福車票後，唔好忘記向巨型日本達摩不倒翁取經，學習其「永不怕跌倒」嘅堅毅精神，再走進立體風車陣行大運，增強個人運勢！喺抵達終站「戀戀幸福の鐘駅」前，大可喺「櫻の戀愛駅」前與一大一小象徵甜蜜飽滿嘅櫻桃合照，等一雙一對色澤通紅嘅「紅寶石」為你送上戀愛祝福！

愛的终着是幸福    把小確幸以「幸福の盛」利是封獨特的刺繡磁石徽章永久封存

北海道「幸福車站」有唔少打卡check points，當中包括：見證過無數婚禮動人場面嘅幸福吊鐘，仲有車站牆上鋪天蓋地寫上深情說話嘅小字條及車票，呢一點一滴嘅感動回憶喺終着駅嘅「戀戀幸福の鐘駅」再度上演。大家可先敲響幸福祝願鐘，呼喚全世界來見證你對戀人嘅承諾，再將綿綿情話寫上祝願木牌，掛喺甜言蜜語祝願牆上放閃幸福宣言，最後將幸福兌現為新城市廣場獨有嘅專屬幸福物——「幸福の盛」至尊版利是封套裝連20款賀年刺繡磁石徽章，將幸福物永久留住保存。

限量版「幸福の盛」利是封  配首創自選20款賀年刺繡磁石徽章  為親友送上專屬祝福

貫徹新春佈置主題，新城市廣場以象徵吉祥及幸運嘅「緣起物」為創作靈感，推出「幸福の盛」利是封套裝連20款賀年刺繡磁石徽章，一套四款嘅和風利是封各具特色，最特別在於首創以匠心獨運嘅刺繡手工徽章配以磁石作為利是封嘅封口設計，代表一生貼著、守護著你對摰愛嘅祝福，並以磁石寓意人與人之間嘅密切關係、相親相愛嘅甜蜜小確幸。

新城市廣場特意設計出20款賀年刺繡磁石徽章，象徵住各種嘅愛與正能量，為不同親友送上專屬又窩心嘅祝福，更令利是封別具視覺及觸覺嘅美感。賀年刺繡磁石徽章除咗代表專屬窩心嘅祝福外，同時亦具備循環升級再用嘅深層意義，收利是嘅親友們更可將磁石徽章當做雪櫃或電腦等家居飾物，好好收藏，將幸福一直留喺身邊，既實用又具心思。
　
另外，選用磁石作為封口更具深層嘅文化意涵，皆因古人發現磁石這種天然礦物屬性有如緊緊擁抱及保護孩子嘅「慈」愛母親，於是將「慈」同「石」兩字結合為一，簡化成「磁」字，放諸今次利是封創作設計中，將呢種關愛、互相守望，恰如家人、朋友、情人之間願意為對方無條件付出，緊緊貼在一起，濃情化不開嘅真情表現得淋漓盡致，極具意思與珍藏價值，等派利是與收利是嘅人同樣擁抱呢份幸福感！

新城市廣場「幸福の盛」三大版本利是封套連賀年刺繡磁石徽章將於即日至2月4日期間換領，新城市廣場VIP Club會員憑指定積分或非會員以電子貨幣即日消費滿指定金額，即可換領入門級別嘅「賀年版」、體驗級別嘅「自選版」，或是至尊級別嘅全套20款刺繡圖案嘅「尊貴禮盒」，數量有限，先到先得，換完即止！